მმართველი კოალიციის წევრი თინა ხიდაშელი “მაუწყებლობის შესახებ” კანონპროექტზე კომენტარს აკეთებს. დეპუტატი ფიქრობს, რომ კანონის პროექტი არ არის რომელიმე ტელეკომპანიის წინააღმდეგ მიმართული.
“კანონი არ არის იმ ტიპის აქტი, რომლითაც ყველა კმაყოფილი ან ბედნიერი იქნება. ”რუსთავი 2-ს,” როგორც გაირკვა, ერთი პრეტენზია დარჩა, სხვა ყველა დანარჩენი კმაყოფილია. კომიტეტი ამ აზრზეა და არა მგონია, რომ ამ კანონის მიღებას რამემ ხელი შეუშალოს. თუმცა კვირანახევარია წინ და ყველას შეუძლია ეს დრო ძალიან პროდუქტიულად გამოიყენოს,” – განაცხადა თინა ხიდაშელმა.