კანადის ხელისუფლებამ განაცხადა, რომ არ აპირებს 10 ათასზე მეტი სირიელი მიგრანტის ჩამოყვანას, მაგრამ თავშესაფრის მიღების პროცესს დააჩქარებს და შეეცდება ყველაფერი უახლოეს 6 თვეში მოაგვაროს.
იმიგრაციის მინისტრის კრის ალექსანდერის განცხადებით, მიგრაციის სამსახური ყველაფერს გააკეთეს ლტოლვილების მისაღები პროცედურის დასაჩქარებლად.
მისი თქმით, წლის ბოლომდე კანადაში 1 000 მიგრანტს ელოდებიან.
სირიის სამოქალაქო კონფლიქტს 230 ათასზე მეტი ადამიანი ემსხვერპლა. 10 მილიონზე მეტმა კი საკუთარი სახლები დატოვეს.
მომავალ კვირას ევროკავშირი ორ შეხვედრას გამართავს მიგრანტების საკითხის განსახილველად.