იტალიის სანაპირო დაცვამ ხმელთაშუა ზღვაში 3 ათასამდე ადამიანი გადაარჩინა. მიგრანტები ლიბიიდან ევროპის ტერიტორიაზე მოხვედრას 18 ნავით ცდილობდნენ, რომელთაგანაც 4 რეზინის იყო.
დახმარების შესახებ სიგნალის მიღების შემდეგ სამაშველო ოპერაციაში იტალიის სანაპირო დაცვის 7 გემი ჩაერთო.
მსხვერპლის შესახებ ინფორმაცია ჯერ–ჯერობით არ გავრცელებულა. უცნობია, ნავებზე მყოფი ადამიანების ზუსტი რაოდენობაც.
გაეროს მონაცემებით, წელს ხმელთაშუა ზღვაში 2 ათასამდე არალეგალი დაიღუპა.
