ენერგეტიკის მინისტრი კახა კალაძე დღეს მარტვილში იმყოფება. როგორც ვიცე-პრემიერმა აღნიშნა იგი სამეგრელოს მეგობრულ მატჩზე დასასწრებად ეწვია. როგორც ,,თაიმერის” რეგიონული კორესპონდენტი იტყობინება მეგობრული მატჩი მარტვილის ვეტერან გუნდ ,,მერანსა” და მათ მეგობრებს შორის ჩატარდება. თამაშში მონაწილეობას მარტვილის მაჟორიტარობის კანდიდატი სოსო დანელიაც მიიღებს. ვიცე-პრემიერმა ისაუბრა შუალედურ არჩევნებზე და საზოგადოებას აქტივობისკენ მოუწოდა.
ადგილობრივ მოსახლეობასთან საუბარში ვიცე-პრემიერმა ,,გაზპრომთან” მოლაპარაკებებზეც გაამახვილა ყურადღება და აღნიშნა, რომ საქართველოში არსებულ ტარიფზე უფრო ძვირი ბუნებრივი არ შემოვა.
რაც შეეხება რუსთავი ორის თემას სასამართლო პროცესს და სპეცრაზმის შესაძლო შესვლას ტელეკომპანიის შენობაში – კალაძემ საზოგადოებას სიმშვიდისკენ მოუწოდა:
,,მოდით ნუ გავასწრებთ მოვლენებს. ის რაც მოხდა 2007 წელს ტელეკომპანია ,,იმედში” საქართველოში აღარ განმეორდება”-დასძინა მან
