ე.წ. კორტების სპეცოპერაციის საქმეზე დაკავებული კრიმინალური პოლიციის უფროსის ყოფილი მოადგილე ირაკლი ფირცხალავა ე.წ. მატროსოვის ციხიდან გლდანის მერვე დაწესებულებაში გადაიყვანის ფაქტს ირინა სარიშვილი “ფეისბუქის” საკუთარ გვერდზე ეხმიანება
“არ არსებობს შერჩევითი სამართალი!
კანონი ყველასთვის ერთნაირად უნდა კანონობდეს!
მომხრე, მოწინააღმდეგე, დამნაშავე, უდანაშაულო – კანონი ყველასათვის ერთი უნდა იყოს!
მთელს ცივილიზებულ სამყაროში, საქართველოშიც, არსებობს დაწერილი და დაუწერელი კანონი სამართალდამცავი სტრუქტურების ყოფილი თანამშრომლებისთვის, რომლებიც პასუხისგებაში არიან მიცემული – მათი მოთავსება სხვა პატიმრებთან ერთად დაუშვებელია! არ შეიძლება!
არა აქვს მნიშვნელობა, რა ბრალი აქვს წაყენებული ირაკლი ფირცხალავას!
არა აქვს მნიშვნელობა, დაუმტკიცდება თუ არა მას ეს ბრალდებები!
არა აქვს მნიშვნელობა, ვთვლით თუ არა მას ჩვენ, საზოგადოება დამნაშავედ!
არა აქვს მნიშვნელობა, როგორ იქცეოდნენ სხვა ხელისუფლებები!
ყველა შემთხვევაში, პოლიციის ყოფილი მაღალჩინოსანის – ირაკლი ფირცხალავას მატროსოვიდან გლდანის ციხეში გადაყვანა არის უკანონობა და დანაშაული!!!
ხელისუფლება, რომელსაც ეს არ ესმის, სახელმწიფოს ვერ ააშენებს!
ხალხი,რომელიც ასეთ უკანონობაზე ხელისუფლებას ტაშს დაუკრავს, ვერ დაინახავს გამოსავალს და მოჯადოებულ მანკიერ წრეში დარჩება!
კანონი ყველასათვის ერთნაირად უნდა კანონობდეს!”–წერს სარიშვილი