საქართველოს დელეგაციამ დავოსში ვიზიტი დაასრულა.
მსოფლიო ეკონომიკური ფორუმის ფარგლებში საქართველოს პრემიერ-მინისტრი ლუქსემბურგის დიდი საჰერცოგოს პრემიერ-მინისტრ, ხავიერ ბეტელს, შეხვდა. საუბარი შეეხო პოლიტიკური, ეკონომიკური და კულტურული თანამშრომლობის გაძლიერების პერსპექტივებს საქართველო-ევროკავშირს შორის გაფორმებული ასოცირების ხელშეკრულების ფარგლებში.
შეხვედრაზე განსაკუთრებული ყურადღება გამახვილდა ეკონომიკური და სავაჭრო ურთიერთობების გაღრმავების მნიშვნელობაზე.
პრემიერ-მინისტრი პანამის პრეზიდენტ ხუან კარლოს ვარელასაც შეხვდა.
მხარეებმა განიხილეს ორი ქვეყნის თანამშრომლობის საკითხები და ურთიერთობების გაღრმავების პერსპექტივებზე იმსჯელეს.
როგორც საგარეო საქმეთა მინისტრი, თამარ ბერუჩაშვილი, ამბობს, პრემიერ-მინისტრმა პანამის პრეზიდენტი საქართველოში მოიწვია.