ინტერპოლით ზურაბ ადეიშვილის ძებნა შეწყდა. იუსტიციის ყოფილი მინისტრის გვარი უკვე რამდენიმე დღეა ინტერპოლის ოფიციალურ ბაზაში აღარ იძებნება.
აღნიშნულ საკითხზე განცხადებას არც საგამოძიებო ორგანო და არც ზურაბ ადეიშვილის ადვოკატი აკეთებს.
როგორც ჩვენთვის არის ცნობილი, ძებნის შეწყვეტის შესახებ ინტერპოლს ადვოკატმა ოთო კახიძემ მიმართა და საქმეში არსებული დეტალები წერილობით გადაუგზავნა. სწორედ ამის შემდეგ ამოიღეს წითელი ცირკულარიდან ზურაბ ადეიშვილი.
