პარლამენტის მიერ მომზადებულ კანონპროექტთან დაკავშირებით, რომელიც ითვალისწინებს ეროვნული ბანკიდან ზედამხედველობის სამსახურის გამოყოფას, კანონპროექტის ინიციატორმა, საფინანსო-საბიუჯეტო კომიტეტის თავმჯდომარემ ისაუბრა.
თამაზ მეჭიაურს მიაჩნია, რომ ცვლილებების ამოქმედების შემდეგ შეუძლებელია ამან გავლენა იქონიოს საერთაშორისო სავალუტო ფონდისა თუ სხვა პარტნიორების საქართველოსთან ურთიერთობებზე.
„თუ ყველაფერი, რაც ხდება, მხოლოდ ერთ ქადაგიძეზეა დამყარებული, ქვეყნის ეკონომიკური და ფინანსური სტაბილურობა და მომავალი, შემირცხვენია ის ქვეყანა,“ – განაცხადა პარლამენტის საფინანსო-საბიუჯეტო კომიტეტის თავმჯდომარემ თამაზ მეჭიაურმა.