წუხელ თურქეთის დღოით 21:00 საათზე, თურქული არმია სირიის ტერიტორიაზე, კობანის პროვინციაში, ქალაქ ალეპოს მახლობლად სპეცოპერაცია,,შაჰ ფირატი,, ჩაატარა. 39 ტანკისა და 150-მდე სხვა სამხედრო ტექნიკის თანხლებით, 572 სამხედრო მოსამსახურე სირიის ტერიტორიაზე საკუთარი ანკლავის დაცვის მოტივით შეიჭრა.
ცნობილია, რომ სირიის ტერიტორიაზე, ოსმალური იმპერიის დამაარსებლის სულეიმან შაჰის სამარხი მდებარეობს, რომელიც თურქებისთვის წმინდა ადგილად ითვლება და 1921 წლის ანკარის შეთანხმების საფუძველზე, სამარხის ტერიტორია თურქეთის საკუთრებაა ანკლავის სტატუსით. სწორედ ამ ტერიტორიის საპატიო ყარაულზე მდგარი 20 სამხედრო მოსამსახურე, 2014 წელს ,,ისლამური სახელმწიფოს,, მებრძოლების მიერ იქნა გატაცებული და აქედან გამომდინარე სამარხისა და სიწმინდეების დაცვის მოტივით ამართლებს თურქეტის არმმიის შესვლას თურქეთის ხელისუფლება. დამასკოს რეჟიმის ოფიციალური რეაქცია, თურქული არმიის ქმედებებზე, ჯერჯერობით ცნობილი არაა.
გარდა იმისა, რომ ოპერაციის მონაწილე ერთი თურქი ჯარისკაცი უბედურ შემთხვევას შეეწირა, სხვა არანაირი მსხვერპლი ამ მომენტამდე ამ ოპერაციას არ მოჰყოლია. თურქმა სამხედროებმა სამარხიდან მეფის ნეშტის ამოღება და მისი უფრო უსაფრთხო ტერიტორიაზე, სირიის სოფელ ეშმაში გადატანა მოახერხეს, სადაც მას თურქეთის ჯარი დაიცავს. სამარხის საპატიო ყარაულზე მდგარი თურქი სამხედროები კი დღეს დილით უკან სამსობლოში დააბრუნეს.
