უპილოტო, რომელიც თურქეთის საჰაერო საზღვრის დარღვევის გამო ქვეყნის თავდაცვამ ჩამოაგდო 16 ოქტომბერს, თურქეთის პრემიერის განცხადებით, რუსეთშია წარმოებული. “აპატარი რუსეთშია წარმოებული, თუმცა, შესაძლეებლია ის ბაშარ ასადს ეკუთვნოდა, ან სულაც ქურთ ამბოხებულებს ან სხვა ძალებს” – განაცხადა პრემიერმა და დაამატა, რომ ის არ მოითმენს მისი ქვეყნის საჰაერო საზღვრის დარღვევას ნებისმიერი ქვეყნისგან და ყველა საფრენი ობიექტი, რომელიც არალეგალურად გადაკვეთს საზღვარს, ჩამოგდებული იქნება.
