წუხელ ღამის რეიდისას თურქეთის პოლიციამ 21 პირი დააკავა, რომლებიც ექსტრემისტული დაჯგუფება “ისლამისტური სახელმწიფოს” მომხრეებად მოიაზრებიან. როგორც თურქული მედია იტყობინება, რეიდები ქვეყნის ოთხ ქალაქში ერთდროულად ტარდებოდა. დაკავებულები ევროპელების გადაბირებაში არიან ბრალდებული.
დაკავებულთა შორის 3 უცხოელია, დანარჩენი თურქეთის მოქალაქე. საერთო ჯამში 30 ადამიანზე იყო დაკავების ორდერი გაცემული. რეიდების დროს ამოღებულ იქნა სანადირო იარაღები, პატრონები, ისლამური სახელმწიფოს დოკუმენტები, ელექტრონული მოწყობილობები და სამხედრო უნიფორმა – ინფორმაციას გერმანული მედია ავრცელებს.
