“საქართველოს სახელმწიფო ელექტროსისტემა” დაგეგმილი შეზღუდვების შესახებ ინფორმაციას ავრცელებს. გადაუდებელი სასისტემო გადართვების გამო, ამაღამ, 00:00 საათზე 10 წუთის განმავლობაში ელექტროენერგიის მიწოდება შეუწყდებათ ქვესადგურებს “ლისი-220”-ის და “დიდუბე -220” -ის ნაწილს. 00:10 საათზე მომხმარებელს ენერგომომარაგება კვლავ აღუდგება.
10 წუთის განმავლობაში ელექტროენერგიის მიწოდება შეუწყდება: მთაწმინდა-ბაგების, ვაკის რაიონის, დაბა წყნეთის, საბურთალოს ნაწილის, ნუცუბიძის დასახლებისა და დიღმის მასივის ნაწილის მომხმარებლებს.
“საქართველოს სახელმწიფო ელექტროსისტემა” ბოდიშს უხდის მომხმარებლებს წარმოქმნილი შეფერხების გამო.
