თბილისის მერის დავით ნარმანიას მოადგილეების ალექსანდრე მარგიშვილის და გიორგი ხელაიას მიერ პოსტების დატოვებას მერიაში არ ადასტურებენ და აცხადებენ, რომ გავრცელებული ინფორმაცია სიმართლეს არ შეესაბამება.
თბილისის მერიის კეთილმოწყობის სამსახურის უფროსი ავთანდილ სუდაძე გავრცელებულ ინფორმაციას მერის მოადგილეების გადადგმის შესახებ ჭორს უწოდებს.
“მე ეს ინფორმაცია თქვენგან პირველად მოვისმინე. ალბათ, არ არის მოსალოდნელი მათი გადადგომა, იმიტომ, რომ ბატონი ალეკო და გუგაც გუშინ სამუშაო რეჟიმში ვნახე. ამიტომ ვერაფერს ვიტყვი, სავარაუდოდ, ეს არის ჭორი”,-განაცხადა სუდაძემ
ვრცელდება ინფორმაცია იმის შესახებ, რომ დედაქალაქის მერის დავით ნარმანიას ორმა მოადგილემ ალექსანდრე მარგიშვილმა და გიორგი ხელაიამ თანამდებობები დატოვეს.
