პრეზიდეტის გადაწყვეტილება, მოულოდნელი აღმოჩნდა მთავრობის ადმინისტრაციისთვის. ირაკლი ღარიბაშვილი, პირად ოპერატორებთან და პრესსამსახურის წარმომადგენლებთან ერთად კანცელარიაში გაკეთებული განცხადების შემდეგ, მთავრობის დასამტკიცებლად, ქუთაისსში გაემგზავრნენ, თუმცა გიორგი მარგველაშვილის ბრიფინგის შემდეგ, სავარაუდოდ მათი გეგმები შეიცვალა და დაახლობეით 40 წუთში უკან დაბრუნდნენ.
ამ წუთებში პრემიერ-მინისტრი მთავრობის ადმინისტრაციაში იმყოფება. მთავრობის ადმინისტრაციაში პრეზიდენტის გადაწყვეტილებაზე ჯერჯერობით კომენტარს არ აკეთებენ. არ არის ცნობილი, უპასუხებს თუ არა მთავრობის ხელმძღვანელი ირაკლი ღარიბაშვილი პრეზიდენტ გიორგი მარგველაშვილს, რომელმაც მთავრობის ახალ შემადგენლობაზე ხელმოწერა ერთი კვირით გადადო.
