სამი ქალბატონია დაკავებული თაღლითობის მცდელობის ბრალდებით. დაკავებულები დევნილებს არწმუნებდნენ, რომ მათ ლტოლვითა და განსახლების სამინისტროში გავლენიანი ნაცნობები ჰყავდათ, რომელთა მეშვეობითაც შესაძლებელი იყო მათთვის ბინის მიღებისთვის საჭირო ქულების მომატება.
გამოძიების ინფორმაციით, ამისთვის რამდენიმე ოჯახისგან მათ დიდი ოდენობით თანხაც მიიღეს.
დევნილების მიერ გადახდილი თანხა – რამდენიმე ათასი ლარი – სამართალდამცველებმა ჩხრეკის შედეგად ამოიღეს.