საპარლამენტო უმრავლესობის ერთ–ერთი ლიდერი ზაქარია ქუცნაშვილი აცხადებს, რომ პარლამენტის სხდომაზე იმის სანახავად ჩამოვიდა სხდომაზე საქმიან რეჟიმში წარიმართება თუ შოუს სახეს მიიღებს. ამის შესახებ ქუცნაშვილმა ჟურნალისტებს განუცხადა.
„ჩამოვედი იმისთვის, რომ ვნახო გაიმართება შოუ თუ საქმიანი შეხვედრა. შოუს სესიის ინიციატორებისგან ველოდები ხოლო საქმიან განხილვას საქმიანი ხალხისგან“– განაცხადა დეპუტატმა.
რაც შეეხება დაკონკრეტებას ვის მიიჩნევს, ქუცნაშვილი საქმიანად – დეპუტატმა თავი შეიკავა.
„საქმიანი ხალხი ყველგან არის ისევე როგორც შოუმენები“– დასძინა მან.
შეგახსენებთ, დღეს ეკონომიკურ საკითხებზე მსჯელობისთვის ,,ერთიანმა ნაციონალურმა მოძრაობამ“ რიგგარეშე სხდომის ჩატარება მოითხოვა. უკვე ორჯერ სხდომა კვორუმის არ არსებობის გამო გადაიდო. თუ 16 საათზე დაგეგმილი სხდომაზეც კვორუმი არ შედგა სესია ჩაშლილად გამოცხადდება.
