ქვეყანას გვამებით მოვაჭრეები მართავენ-ეს განცხადება, თავისუფლების მოედანზე მიმდინარე აქციაზე, “ნაციონალური მოძრაობის” ერთ-ერთმა ლიდერმა ზაზა ბიბილაშვილმა სიტყვით გამოსვლისას გააკეთა.
მან შეკრებილ მოსახლეობას მიმართა და ხელისუფელბის გადადგომის აუცილებლობაზე ისაუბრა. ბიბილაშვილის თქმით, აუცილებელია შეიცვალოს ქვეყანაში არსებული ვითარება,რადგან დღეს “უსამართლობას ჰქვია სამართლიანობა, ყველაზე კარგად საქართველოში ცხოვრობენ ცუდი ტიპები, ხელისუფლების სათავეში კი არიან რუსეთის მონები”. ბიბილაშვილმა ბიძინა ივანიშილს “ჯაყო” უწოდა და განაცხადა, რომ მან იაფად იყიდა საქართველო და საკუთარი კეთილდღეობა ხალხის ხარჯზე უზრუნველყო.