რუსეთის პრეზიდენტის ვლადიმერ პუტინის ქონება 200 მილიარდ დოლარს შეადგენს, რითიც ის მსოფლიოში ერთ-ერთი უმდიდრესი მამაკაცია. ამის შესახებ ტელეკომპანია “CNN”-ის ეთერში ფარიდ ზაკარიასთან სტუმრობისას ბილ ბრაუდენმა განაცხადა.
თავად პუტინი არასდროს საუბრობს ღიად საკუთარ ქონებაზე, თუმცა, 2013 წლის მონაცემებით, რომელიც იმ პერიოდში “The Sunday Times”-მა გამოაქვეყნა, რუსეთის პრეზიდენტი 130 მილიარდ დოლარს ფლობდა.
“პუტინი ლიდერობის პარალელურად კარგად ახერხებს ბიზნესის კეთებას”, – წერდა “The Sunday Times”-ი. ბრიტანული გამოცემის ინფორმაციით, ვლადიმერ პუტინის ბიზნესებს მისი ახლო ნათესავები მართავენ. ესენი არიან პუტინის ძმისშვილი მიხეილ პუტინი და მიხეილ შელემოვი, ასევე პუტინის ყოფილი ცოლის ძმა.