უკრაინის ყოფილი პრეზიდენტი, ვიქტორ იანუკოვიჩი 11 აგვისტოს უკრაინის გენერალურ პროკურატურაში დაკითხვაზეა დაბარებული. უკრაინული მედიის ცნობით, მან გამოძიების ფარგლებში ჩვენება უნდა მისცეს.
გავრცელებული ინფორმაციით, იანუკოვოჩი მზადაა ჩვენება ვიდეოკონფერენციის საშუალებით მისცეს.
ვიქტორ იანუკოვიჩს უკრაინაში სახელმწიფო თანხების არამიზნობრივად ხარჯვაში და ძალაუფლების უზურპაციაში ადანაშაულებენ.
ვიქტორ იანუკოვიჩი 2010 წლის 25 თებერვალს აირჩიეს უკრაინის პრეზიდენტად, გასული წლის თებერვალში კი ის კიევში მასობრივი დემონსტრაციების შედეგად გადააყენეს. ამ დროისათვის ვიქტორ იანუკოვიჩის ადგილსამყოფელი უცნობია, ის სავარაუდოდ, კვლავ რუსეთში იმყოფება.