ბიზნესმენი ლევან ვასაძე უარყოფს, რომ საქართველოს მთავრობაში ეკონომიკური გუნდის მინისტრის პორტფელი შესთავაზეს. “მსგავსი წინადადება არასდროს ყოფილა და იმედია, არასდროს იქნება” , – განაცხადა ვასაძემ გადაცემა “რეაქციაში” სტუმრობისას
“ვიქნები ძალიან ცრუ და ორპირი, თუ ამდენი წლის განმავლობაში ვიძახი, რომ არ მინდა პოლიტიკაში მოსვლა და სინამდვილეში მენდომება”, – აღნიშნა ლევან ვასაძემ.
რაც შეეხება მთავრობის კანცელარიაში მის მისვლას, ვასაძის თქმით, მას მუდმივად აქვს კონსულტაციები და რეგულარულად მუშაობს მთავრობასთან დემოგრაფიულ საკითხებზე.
