ვალერიან გრძელიშვილი ამ დრომდე რეანიმაციულ განყოფილებაში იმყოფება. ექიმების განცხადებით, მას ფილტვების ხელოვნური ვენტილაცია უტარდება.
საუნივერსიტეტო კლინიკაში კომენტარი გარდაცვლილი პოლიციელის შესახებაც გააკეთეს. როგორც ექიმები განმარტავენ, საავადმყოფოში მიყვანილ დაჭრილ პოლიციელს ცენტრალური სისხლძარღვები ჰქონდა დაზიანებული, რის გამოც მრავალი მცდელობის მიუხედავად, მისი გადარჩენა ვერ მოხერხდა.
“პაციენტი კლინიკაში სასწრაფომ შემოიყვანა. ორჯერ გაუჩერდა გული, თუმცა ორივეჯერ მოვახერხეთ გულის მუშაობის აღდგენა. ამის შემდეგ კვლავ გრძელდებოდა მწვავე შოკები და მასიური სისხლდენა, რის გამოც მისი გადარჩენა ვეღარ მოხერხდა და გარდაიცვალა”, – განაცხადა “კურიერთან” საუბრისას ექიმმა კონსტანტინე მუმლაძემ.