თბილისში, ვანის ქუჩაზე მდებარე ერთ-ერთ საწყობში გაჩენილი ხანძრის შედეგად, არავინ დაშავებულა.
ამის შესახებ „თაიმერს“ საგანგებო სიტუაციების მართვის სააგენტოში განუცხადეს. მათივე ცნობით, ხანძარი ამჟამად უკვე ლიკვიდირებულია.
„ხანძარი ლიკვიდირებულია. დიდუბე-ჩუღურეთის სამაშველო და სახანძრო ჯგუფები გავიდნენ ადგილზე. დაშავებულები არ არიან“, – აღნიშნეს სააგენტოს პრესსამსახურში.
ვანის ქუჩაზე ხანძარი ცოტა ხნის წინ გაჩნდა. ერთ-ერთი კომპანიის კუთვნილ საწყობში აფეთქების ხმაც გაისმა. ადგილზე ამჟამადაც მობილიზებული არიან საპატრულო პოლიცია და სახანძრო სამსახურის წარმომადგენლები.