თბილისის მერის, დავით ნარმანიას განცხადებით, ვაკის გამგებლის კანდიდატურა უახლოეს დღეებში იქნება წარდგენილი. როგორც დავით ნარმანიამ ჟურნალისტებს განუცხადა, ვაკის გამგებლის კანდიდატურასთან დაკავშირებით მერიაში მიმდინარეობს კონსულტაციები.
“მას შემდეგ, რაც დასრულდება კონსულტაციები, წარმოვადგენთ ღირსეულ კანდიდატს”, – განაცხადა დავით ნარმანიამ.
ვაკის გამგებელი გივი ჭიჭინაძე საქართველოს პრემიერ-მინისტრ ირაკლი ღარიბაშვილის გადაწყვეტილებით, იმერეთის გუბერნატორად დაინიშნა.