ე.წ. კაბელების საქმეზე სასამართლო პროცესი დაცვის მხარის შუამდგომლობაზე უარის თქმით დაიწყო.
თავდაცვის სამინისტროს თანამშრომლების ადვოკატებმა დააყენეს შუამდგომლობა და მოითხოვეს პროკურორების ლევან ბაჩიაშვილისა და ზვიად გუბელაძის აცილება იმ მოტივით, რომ, მათი თქმით, საქმეებში მოწმეების ჩვენებები ერთმანეთის იდენტურია.
დაცვის მხარემ პროკურორების მოწმის სახით დაკითხვაც მოითხოვა.
ბრალდებამ კი აღნიშნულ შუამდგომლობას უსაფუძვლო უწოდა, რის შემდეგაც მოსამართლემ დაცვის მხარის მიერ დაყენებული შუამდგომლობა არ დააკმაყოფილა.
სასამართლო პროცესს ხუთივე ბრალდებული, მათი ოჯახის წევრები და თავისუფალი დემოკრატების წარმომადგენლები ესწრებიან.
არც ერთი ბრალდებული თავს დამნაშავედ არ ცნობს.
