ოკუპირებული აფხაზეთის ტერიტორიაზე კიდევ ერთი ქართველის მკვლელობა მოხდა. ტყვარჩელში ნაპოვნია 39 წლის რობერტ ზაქარაიას გვამი. მას 7 ტყვია აქვს მოხვედრილი – სამი თავის და ოთხი გულის არეში. როგორც ირკვევა, აფხაზები არ აძლევენ მოკლულის ოჯახს ცხედრის გადმოსვენების უფლებას და თავად აპირებენ მის ადგილზე დასაფლავებას. როგორც “თაიმერისთვის”გახდა ცნობილი, რობერტ ზაქარაია წარმოშობით ოჩამჩირედანაა და აფხაზეთში ნათესავებთან იყო ჩასული. ჯერჯერობით უცნობია თუ რა გახდა მკვლელობის მიზეზი. რობერტ ზაქარიას ოჯახი ამჟამად წყალტუბოში ცხოვრობს.