ეუთო (OSCE) საქართველოს ხელისუფლებისგან იმ რეკომენდაციების გათვალისწინებას ელის, რაც მაღალი თანამდებობის ყოფილი პირების სასამართლო პროცესებს უკავშირდება.
ამის შესახებ ეუთოს დემოკრატიული ინსტიტუტებისა და ადამიანის უფლებების ოფისის (ODIHR) დირექტორმა მაიკლ ლინკმა საგარეო საქმეთა მინისტრთან შეხვედრის შემდეგ განაცხადა.
თავის მხრივ, ერთობლივ პრესსკონფერენციაზე საქართველოს საგარეო საქმეთა მინისტრმა თამარ ბერუჩაშვილმა აღნიშნა, რომ საქართველო დაინტერესებულია გაიზარდოს ეუთო-ს ჩართულობა საქართველო-რუსეთის კონფლიქტის მშვიდობიანად მოგვარების საკითხებში.
