ზურაბ აბაშიძემ კომენტარი გააკეთა რუსეთის საგარეო საქმეთა სამინისტროს განცხადებაზე საოკუპაციო საზღვრის გადმოწევასთან დაკავშირებთ.
პრემიერის სპეციალური წარმომადგენელი ზურაბ აბაშიძე აცხადებს, რომ 2008 წლის შემდეგ ახალ ხელისუფლებას საკმაოდ მძიმე მემკვიდრეობა დარჩა.
„ეს არის ტრაგიკული შედეგი 2008 წლის ომისა, რაშიც წინა ხელისუფლებას საუბედუროდ უარყოფითი წვლილი მიუძღვის. მივეცით მას საბაბი, რომ ასეთი განცხადებები გააკეთოს,“ – განაცხადა ზურაბ აბაშიძემ.
რუსეთის საგარეო უწყების მიერ გამოქვეყნებული განცხადებიდან ირკვევა, რომ საგარეო საქმეთა მინისტრის მოადგილეებს შორის სატელეფონო საუბარი შედგა, რომლის დროსაც კარასინმა დონდუას ე.წ. საზღვრის საკითხებზე სასაუბროდ არაღიარებული რეჟიმისკენ მიუთითა. მოსკოვი მომხდართან კავშირს უარყოფს, თუმცა ირწმუნება, რომ ბანერები ცხინვალის ტერიტორიაზე დგას.
პრაღაში დღეს აბაშიძე-კარასინის მორიგი შეხვედრა იმართება. ქართული მხარე სოფელ ორჭოსანსა და ხურვალეთში ე.წ საზღვრის გადმოწევის საკითხის მწვავედ დაყენებას აპირებს.
