ერევანში პოლიციამ აქციის მონაწილეები ბაგრამიანის პროსპექტიდან გაყარა.
რუსული მედიის და საინფორმაციო სააგენტოების განცხადებით, პოლიცია დაუმორჩილებლობისთვის იჭერს ყველას, ვინც მის ბრძანებას არ შეასრულებს. დაკავებულია დაახლოებით 9 ადამიანი.
სამართალდამცველების განცხადებით, მოედნის განთავისუფლებამდე ნახევარი საათით ადრე მათ მომიტინგეები გააფრთხილეს გეგმის შესახებ, რომ აქციის მონაწილეებს გზა უნდა გაენთავისუფლებინა და თავისუფლების მოედანზე გადასულიყვნენ.
გუშინ პოლიციამ დემონსტრანტებს მოედნის გასანთავისუფლებლად დრო დაუთქვა – შაბათს დილის 05.00 საათამდე.
საზოგადოებრივი ორგანიზაცია “არა ძარცვას” აქტივისტებმა საპროტესტო აქციები პარასკევს აღადგინეს.
სომხეთში ელექტროენერგიაზე ტარიფების მატების გამო საპროტესტო აქციები ივნისში დაიწყო. მოქალაქეები 1 აგვისტოდან ელექტროენერგიის საფასურის 16,5%-ით გაძვირებას აპროტესტებენ.