ზურაბ ადეიშვილის მიმართ საერთაშორისო ძებნის შეწყვეტას პარლამენტის ადამიანის უფლებათა დაცვის და სამოქალაქო ინტეგრაციის კომიტეტის თავმჯდომარე ეკა ბესელია გამოეხმაურა.
ბესელიას თქმით, საერთაშორისო ძებნიდან ზურაბ ადეიშვილის ამოღება ლტოლვილის სტატუსს უკავშირდება.
“როგორც უკვე გაირკვა, ლტოლვილის სტატუსი ადეიშვილს 2013 წლის თებერვალში აქვს მიღებული, იქამდე, ვიდრე მას ბრალდებები წარედგინებოდა, რაც პირადი კონტაქტებით მოახერხა, ამიტომაც ხდება მისი მხრიდან ამ ფაქტის გასაიდუმლოება,” – განაცხადა ეკა ბესელიამ.
ზურაბ ადეიშვილის მიმართ საერთაშორისო ძებნის შეწყვეტის შესახებ მთავარი პროკურატურა განმარტებას აკეთებს.
