ევროკავშირმა რუსეთთან “პრაქტიკული ურთიერთობები” უნდა აღადგინოს და უფლება არ უნდა მისცეს აშშ-ს, საკუთარი პოლიტიკა გვიკარნახოს – განაცხადა ევროკომისიის ხელმძღვანელმა ჟან კლოდ იუნკერმა.
მან ასევე აღნიშნა, რომ არ ეთანხმება პრეზიდენტ ბარაკ ობამას იმასთან დაკავშირებით, რომ რუსეთი მხოლოდდამხოლოდ “რეგიონალური ძალაა”. “ჩვენ ძალღონე არ უნდა დავიშუროთ რუსეთთან პრაქტიკული ურთიერთობების აღსადგენად. ეს არც თუ ისე მიმზიდველია, მაგრამ უნდა გავაკეთოთ, რადგანაც ასე გაგრძელება არ შეიძლება” – განაცხადა იუნკერმა.
მისივე თქმით, რუსეთს პატივისცემით უნდა მოეპყრან.