ევროკავშირმა გადაწყვიტა უკრაინას 1,8 მილიარდი ევრო გამოუყოს, ამის შესახებ განცხადება ევროკომისიის პრეზიდენტმა ჯან კლოდ იუნკერმა გააკეთა.
„ევროპა ერთსულოვანია უკრაინასთან დაკავშირებით“ – თქვა იუნკერმა რიგაში გამართულ პრესკონფერენციაზე.
რამდენიმე ხნის წინ გავრცელებული ინფორმაციით უკრაინამ ევროკავშირს 2 მილიარდი ევროს დახმარების გამოყოფა სთხოვა.
ევროკომისიის წინადადება თანხის გამოყოფასთან დაკავშირებით ევროკავშირის წევრი ქვეყნების მეთაურებმა და ევროპარლამენტმა უნდა დაადასტურონ.
2014 წელს ევროკავშირმა უკრაინას მაკროსაფინანსო პროგრამის ფარგლებში 1,3 მილიარდი ევრო გამოუყო.
