ეგვიპტეში 2013 წლის დეკემბერში დაკავებული „ალ-ჯაზირას“ ჟურნალისტი პიტერ გრესტე გუშინ გაათავისუფლეს. მასთან ერთად დაკვებული ორი კოლეგა მოჰამედ ფახმი და ბაჰარ მოჰამედი ჯერჯერობით ისევ პატიმრობაში რჩებიან. მათ ტერორიზმის და ტერორისტული ორგანიზაცია „ძმები მუსლიმების“ მხადაჭერა ედებათ ბრალად.
განთავისუფლებული ჟურნალისტის ძმის ინფორმაციით, პიტერ გრესტი თავს „ძალიან, ძალიან ბედნიერად გრძნობს და უსაფრთხოდ არის.
ამასთანავე, როგორც ის ამბობს, ჟურნალისტი იბრძოლებს იმისთვის, რომ კოლეგების გათავისფულებაც მალე მოხდეს.
გათავისუფლების შემდეგ ჟურნალისტი კვიპროსზე იმყოფება და ის მალე საკუთარ სახლში, ავსტრალიაში გადაფრინდება.
გრესტე ავსტრალიის მოქალაქეა და როგორც ბიბისის კორესპოდენტი ბევრ ქვეყანაში მუშაობდა.
