თბილისის გზებზე არსებული რთული მდგომარეობის შესახებ და მის გამომწვევ მიზეზებზე დღეს საკრებულოში ერთიანი ნაციონალური მოძრაობის წარმომადგენელმა ისაუბრა. ირაკლი აბესაძე ამბობს, რომ თბილისის მერიის კეთილმოწყობის სამსახური კორუფციაშია ჩაფლული და ამ გარიგებებში თბილისის მერიც იღებს მონაწილეობას.
ირაკლი აბესაძე ფიქრობს, რომ მერიაში გადაწყვეტილებებს არა ნარმანია, არამედ მისი მოადგილე დიმიტრი ქუმსიშვილი იღებს. აქედან გამომდინარე ირაკლი აბესაძე ქუმსიშვილს კეთილმოწყობის სამსახურის უფროსის გადაყენებისკენ მოუწოდებს.
„ქალაქის გზების ეს მდგომარეობა მძიმე კორუფციული საქმიანობით არის გამოწვეული, რომელიც არის კეთილმოწყობის სამსახურში. ტენდერებს გამოუცდელი კომპანიები იგებენ, რომლებსაც არც ტექნიკა აქვთ და არც ოფისები. ფაქტია, რომ ამ კორუფციას დავით ნარმანია არის შეგუებული და მონაწილეობს მასში, ჩვენ დღეს მოვითხოვთ რეალური მერისგან რომელიც არის დიმიტრი ქუმსიშვილი, გაანთავისუფლოს კეთილმოწყობის სამსახურის უფროსი,“ – განაცადა ირაკლი აბესაძემ.
