“მოქმედი კანონმდებლობა არ ითვალისწინებს არანაირი ნაკლული, ნახევრად უფლებამოსილი, უუფლებო მთავრობის არსებობას. მოქმედი მთავრობა აღარ არის უფლებამოსილი მხოლოდ იმ შემთხვევაში, თუ შექმნილია ახალი მთავრობა,” – პარლამენტის თავმჯდომარე მთავრობის დამტკიცების პროცედურებს განმარტავს.
მისი თქმით, მთავრობაში თუ შეიცვალა წევრთა 1/3, ეს ნიშნავს, რომ ამ მომენტიდან მკაფიოდ განსაზღვრულ ვადებში უნდა მოხდეს მთავრობის პარლამენტში მისვლა, მისი პროგრამის მოსმენა და კენჭისყრა.
“მთავრობასთან დაკავშირებულ პრობლემაზე მხოლოდ იმ შემთხვევაში შეიძლება ვისაუბროთ, თუ მთავრობა მოვიდა და პარლამენტმა მას ნდობა არ გამოუცხადა. ამიტომ ეს სამართლებრივი თუ პოლიტიკური სპეკულაციები არის სრულიად უსაგნო”, – აცხადებს დავით უსუფაშვილი.
