საქართველოს პარლამენტის თავმჯდომარე ერთდღიანი ვიზიტით ბრიუსელში იმყოფება.
დავით უსუფაშვილის თქმით, ნატო-ს წევრი ქვეყნები მხარს უჭერენ საქართველოს ტერიტორიული მთლიანობის დაცვას და გმობენ ე.წ. საზღვრის გადმოწევის ფაქტს.
უსუფაშვილმა აღნიშნა, რომ ალიანსი მომხრეა, საქართველოს ხელისუფლება არ აჰყვეს პროვოკაციას.
„ნატო-ს გენერალურმა მდივანმა, ასევე ნატოს წევრი სახელმწიფოების წარმომადგენელებმა სრულიად ცალსახად დაგმეს ის მოვლენები, რაც ბოლო ხანებში განვითარდა საოკუპაციო ხაზის გასწვრივ. ისინი ძალიან კარგად არიან ინფორმირებულნი. მათი პოზიცია არის მყარი. საჯაროდაც გამოხატეს, რომ ისინი გმობენ ამდაგვარ მოვლენებს ისევე, როგორც აფხაზეთთან, ცხინავლთან დადებულ ე.წ. სათანამშრომლო ხელშეკრულებებს რუსეთის მხრიდან. მათი რეკომენდაციაა, რომ არათუ ინიციატორები ვიყოთ დამატებითი დაძაბულობის, არამედ არ ავყვეთ პროვოკაციას,“ -განაცხადა დავით უსუფაშვილმა.
