პარლამენტის თავმჯდომარე დავით უსუფაშვილი ირწმუნება, რომ „ეროვნული ბანკის შესახებ“ კანონპროექტის პირველი მოსმენით მიღებული ტექსტი მნიშვნელოვნად განსხვავებულია იმისგან, რაც თავდაპირველად იყო ინიცირებული. უსუფაშვილის განმარტებით, განხილვის პროცესში, ბევრი რეკომენდაციის გათვალისწინება მოხდა, მათ შორის საერთაშორისო საფინანსო ორგანიზაციების.
“პარლამენტი არც ამ და არც სხვა კანონს ისე არ მიიღებს, რომ გათვალისწინებული და გააზრებული არ იყოს ყველა დასაბუთებული შენიშვნა და მოსაზრება. ცხადია, ამ სფეროში როგორც ადგილობრივი, ასევე საერთაშორისო საფინანსო ინსტიტუტების მოსაზრებები ძალიან მნიშვმელოვანია. დარწმუნებული ვარ, ისეთ კანონს მივიღებთ, რომელსაც ყველას მხარდაჭერა და გაგება ექნება“, – განაცხადა უსუფაშვილმა.
