რატომ არ იმყოფებოდა საქართველოს პრეზიდენტი ახალგაზრული ოლიმპიადის გახსნის ცერემონიალზე, ამ თემაზე დღეს განცხადებები მინისტრთა კაბინეტის წარმომადგენლებმაც გააკეთეს.
ჟურნალისტებთან საუბრის დროს მინისტრები ამბობენ, რომ მათ არ აქვთ ინფორმაცია პრეზიდენტის გადაწყვეტილების შესახებ.
“არ ვიცი, ეს საქართველოს პრეზიდენტს უნდა კითხოთ,” – აცხადებს თავდაცვის მინისტრი, თინა ხიდაშელი.
ჯანდაცვის მინისტრი კი ამბობს, რომ ღონისძიება ძალიან მოეწონა, ხოლო პრეზიდენტის არყოფნამ გული დასწყვიტა.
“არ ვფლობ ინფორმაციას. გული დამწყდა, რომ პრეზიდენტი არ იყო. მე, პირადად, ძალიან ვისიამოვნე გუშინ იმ სანახაობით,” – აცხადებს ჯანდაცვის მინისტრი, დავით სერგეენკო.