ჯანდაცვის მინისტრის ინფორმაციით, ნინო შუბლაძე მის მრჩევლად მუშაობას გუშინ შეუდგა. ამის შესახებ დავით სერგეენკომ ჟურნალისტებთან საუბრისას განაცხადა.
„ნინო შუბლაძე მინისტრის მრჩევლად გუშინ დაინიშნა. ის მუშაობას უკვე შეუდგა“, – განაცხადა დავით სერგეენკომ.
ჯანდაცვის სამინისტროს ინფორმაციით, ნინო შუბლაძე საზოგადოებასთან ურთიერთობების საკითხებში იქნება მინისტრის მრჩეველი.
ნინო შუბლაძე რამდენიმე წლის განმავლობაში ტელეკომპანია “რუსთავი 2”-ში მუშაობდა. ის იყო საინფორმაციო სამსახურის უფროსი და გენერალური დირექტორის მოადგილე. მან ტელეკომპანია გასულ წელს დატოვა.