დედაქალაქის მერი, დავით ნარმანია, სვანიძის ქუჩაზე 4 სახლის დემონტაჟის აუცილებლობაზე საუბრობს–ამის შესახებ მან გადაცემა “არჩევანში” განაცხადა და თქვა, რომ ასეთი დასკვნა ლაბორატორიული შემოწმების შედეგად დაიდო.
“სვანიძის ქუჩაზე დღეს დასრულდა სახლების ლაბორატორიული შემოწმება და 4 სახლი მკვეთრად ავარიულია და დემონტაჟს ექვემდებარება. სხვა დანარჩენი სახლები მეტნაკლებად ნორმალურ მგომარეობაშია და ექვემდებარება გამაგრებას და რემონტს,” – ამბობს ნარმანია.
ქალაქის მერის განცხადებით, მძიმე მდგომარეობაა ზოოპარკის ტერიტორიაზეც და ასევე მზიურის მახლობლად ახალი მაგისტრალი სერიოზულად დაზიანებულია.
