სემეკმა თელასის განაცხადის ფორმალური შესწავლა დაიწყო. დოკუმენტაციის შემოწმებას მარეგულირებელი 3 დღეში დაასრულებს.
ჯერ-ჯერობით უცნობია რამდენი თეთრით ითხოვს ტარიფის გაზრდას გამანაწილებელი კომპანია, თუმცა დედაქალაქის მერის მტკიცებით, თბილისის მოსახლეობას დენი არ გაუძვირდება.
„თბილისის მოსახლეობას არანაირად არ შეეხება ტარიფების ზრდა. ყველაფერს გავაკეთებთ იმისათვის, რომ ის ადამიანები, რომლებიც ვერ იხდიან შესაბამის გადასახადს, მაქსიმალურად დავუდგეთ გვერდში“, – განაცხადა დავით ნარმანიამ.
