შემოდგომაზე თბილისის მერიამ 20 000-მდე ხე დარგო, – ასე უპასუხა დავით ნარმანიამ ჟურნალისტის მიერ დასმულ კითხვას იმის შესახებ, თუ რამდენი ხე დარგო თბილისის მერიამ ერთი მილიონი ხის დარგვის პროექტის ფარგლებში.
დედაქალაქის მერის განცხადებით, გაზაფხულიდან მათ უფრო ამბიციური და სერიოზული გეგმა აქვთ.
“კერძო სექტორსაც მოვუწოდე და ამაში კერძო სექტორიც აქტიურად ჩაერთო. ვისაც დანახვა უნდა, კარგად ხედავს რას ვაკეთებთ ჩვენ გამწვანების თვალსაზრისით”, – განაცხადა დავით ნარმანიამ.
დავით ნარმანიას წანასაარჩევნო პროგრამის ერთ-ერთი პუნქტი თბილისში მილიონი ხის დარგვა იყო.
