საპარლამენტო ფრაქცია “რესპუბლიკელების” თავმჯდომარის, დავით ბერძენიშვილის განცხადებით, თამარ კორძაიას გადაწყვეტილებაში სკანდალური არაფერია.
როგორც ბერძენიშვილმა ჟურნალისტებთან საუბრისას აღნიშნა, კორძაიამ ფრაქცია ,,რესპუბლიკელებში” გაწევრიანების სურვილი უკვე გამოთქვა და ამ საკითხზე უახლოეს პერიოდში იმსჯელებენ.
“თამარ კორძაია იყო უმრავლესობაში და რჩება უმრავლესობაში. საკუთარ პოლიტიკურ მომავალს ის უკავშირებს ,,რესპუბლიკურ” პარტიას. მან დაწერა განცხადება ფარქციაში შემოსვლის სურვილით. ფრაქცია ამასთან დაკავშირებით შეიკრიბება და მიიღებს გადაწყვეტილებას. ეს არის ჩვეულებრივი პროცესი”, – განაცხადა დავით ბერძენიშვილმა
დეპუტატმა თამარ კორძაიამ საპარლამენტო ფრაქცია ,,ქართული ოცნება” დატოვა.
