“ნაციონალური მოძრაობის” წევრები აქციაზე შვილებთან ერთად არიან მისულები. როგორც პარტიის ერთ-ერთმა ლიდერმა დავით ბაქრაძემ თავისუფლების მოედანზე შეკრებილ ხალხს მიმართა, ყოველგვარი ინფორმაციები, რომ იქნებოდა არეულობები და დაინგრეოდა ქვეყანა, არის სიცრუე.
“ვრცელდებოდა ინფორმაციები, რომ იგეგმებოდა დღევანდელ აქციაზე პროვოკაციები, მოხდებოდა ქვეყნის დანგრევა და არეულობა, ეს არის სრული სიცრუე. დღეს ჩვენ შვილებთან ერთად ვართ მოსულები და დღეს ჩვენ ვიბრძვით სწორედ ჩვენი შვილების მომავლისთვის”, – განაცხადა ბაქრაძემ, რომელიც სცენაზე შვილთან ერთად იმყოფებოდა.
აქციის მონაწილეები თავისუფლების მოედანზე ამ წუთებში იკრიბებიან. მოედანზე გაკეთებულია სცენა, საიდანაც პარტიის ლიდერები შეკრებილ მონაწილეებს სიტყვით მიმართავენ.
მოძრაობა გადაკეტილია რუსთაველის გამზირზე და პუშკინის ქუჩაზე. აქციის მონაწილეები “წადი, წადის” შეძახილებით მთავრობას გადადგომისკენ მოუწოდებენ.
