გუშინ ღამით გურიაში, ოზურგეთში საფლავები შეურაცხყვეს. ადგილობრივების განცხადებით, მსგავსი შემთხვევა რეგიონში პირველად მოხდა.
სოფელ ოზურგეთში დაუდგენელმა პირებმა 30-ზე მეტი საფლავი შეურაცხყვეს. დამტვრეულია საფლავის ქვები, კარები. დამტვრეულ ქვებს გადასხმული აქვს საღებავი. როგორც რუსთავი2-ის კორესპონდენტი გურიიდან იტყობინება, ამ სასაფლაოზე მდებარე თითქმის ყველა საფლავი დაზიანებულია.
წინასწარი ინფორმაციით, დამნაშავეებს არაფერი წაუღიათ. საქმეზე მიმდინარეობს გამოძიება. თუმცა, ჯერჯერობით დანაშაულის მოტივს ვერ ასახელებენ. ასევე უცნობია დამნაშავეთა ვინაობა.
