გლდანში მომხდარი აფეთქების დროს დაშავებული 2 გოგონას მდგომარეობა უკიდურესად მძიმეა. ინფორმაციას ქირურგიის ეროვნულ ცენტრში ადასტურებენ.
როგორც ექიმები ამბობენ, ორივე პაციენტი რეანიმაციულ განყოფილებაში გადის მკურნალობას.
მათ სხეულზე მესამე ხარისხის დამწვრობა აღენიშნებათ ერთ-ერთ მათგანს მიღებულიაქვს ქალა-ტვინის ტრამვაც.
აფეთქების დროს დაშავებული კიდევ 2 ადამიანი კლინიკა ლანცეტშია გადაყვანილი. მათ დაზიანებები ქვედა კიდურებზე აქვთ მიღებული. მათი მდგომარეობა დამაკმაყოფილებელია.
აფეთქების დროს საცხოვრებელ სახლში იმყოფებოდა 2 ორსულიც, მათ საკუთარ მკურნალ ექიმებს მიმართეს და გამოკვლევა ჩაიტარეს. არსებული ინფორმაციით, მათ არანაირი დაზიანებები არ აღენიშნებათ.
