სომხური მედიის ცნობით, სომხეთისა და რუსეთის საგამოძიებო კომიტეტის ხელმძღვანელების, აგვან ოვსეპიანისა და ალექსანდრ ბასტირიკინის შეხვედრის შედეგად მიღწეულია შეთანხმება, რომ გიუმრის დანაშაულს გამოიძიებს, ერთობლივი სომხურ-რუსული შტაბი. შტაბში შედიან სომხეთისა და რუსეთის საგამოძიებო კომიტეტების წევრები და კრიმინალისტები, სულ ათი კაცი.
მიღწეულია აგრეთვე შეთანხმება, რომ საქმის გამოძიება ჩატარდება საერთაშორისო სამართლისა და სომხეთ-რუსეთ შორის სამხედრო ბაზის განთავსების შესახებ დადებული ხელშეკრულების ნორმების გათვალისწინებით. შეთანხმების მიხედვით, პერმიაკოვის საქმეზე, როგორც წინასწარი გამოძიება, ასევე სხვა საგამოძიებო პროცედურები და სასამართლო ჩატარდება სომხეთის ტერიტორიაზე.