საქართველოს პრეზიდენტი გიორგი მარგველაშვილი პარლამენტის წინაშე ყოველწლიური მოხსენებით 18 მარტს წარდგება. განცხადება ამის შესახებ პარლამენტის თავმჯდომარემ დავით უსუფაშვილმა ცოტა ხნის წინ გააკეთა.
უსუფაშვილმა აღნიშნა, რომ ფორმატთან დაკავშირებით კონსულტაციები მიმდინარეობს და საბოლოო გადაწყვეტილება მიღებული ჯერ არ არის.
შეგახსენებთ, რომ გიორგი მარგველაშვილი პარლამენტში თებერვლის მესამე კვირაში უნდა მისულიყო, თუმცა დეპუტატების გადატვირთული სამუშაო გრაფიკის საბაბით, მისი გამოსვლა გადაიდო.