საქართველოს პრეზიდენტი, გიორგი მარგველაშვილი საქართველოში მცხოვრებ მუსლიმებს ყურბან-ბაირამს ულოცავს.
“ძვირფასო თანამოქალაქენო, გულითადად გილოცავთ ყურბან-ბაირამს -მშვიდობის, იმედის, თანადგომის, მოყვასზე ზრუნვისა და სიკეთის გამარჯვების დიდ დღესასწაულს. ვუერთდები თქვენს ზეიმს და ბედნიერებას, სულიერ სიმშვიდესა და კეთილდღეობას გისურვებთ თქვენ და თქვენს ოჯახებს”, – ნათქვამია საქართველოს პრეზიდენტის მილოცვაში.
