გიორგი მარგველაშვილი პროკურატურის რეფორმას გამოეხმაურა და აღნიშნა, რომ ამ საკითხისადმი საზოგადოების ინტერესი საკმაოდ მაღალია.
როგორც მარგველაშვილმა “საზოგადოებრივი მაუწყებლის” ეთერში განაცხადა, რეფორმის შედეგად უნდა მივიღოთ ისეთი პროკურატურა, რომელიც იქნება დამოუკიდებელი, დეპოლიტიზირებული და პროფესიონალური.
“რალურად დღეს პროკურატურის რეფორმაზე არ ვსაუბრობთ, დღეს ვსაუბრობთ მთავარი პროკურორის დანიშვნის წესზე. ეს არ არის პროკურატურის რეფორმა. მინდა ერთი რამე შევნიშნო, ეს არ არის დანიშვნის წესით შემოსაზღვრული პროცესი. ჩვენი სახელმწიფოს სტაბილურ ფუნქციონირებას სჭირდება დეპოლიტიზირებული, დამოუკიდებელი და პროფესიული არა მარტო მთავარი პროკურორი, არამედ პროკურატურა”, – განაცხადა გიორგი მარგველაშვილმა.
