პრეზიდენტის ადმინისტრაციაში არასაპარლამენტო ოპოზიციის წარმომადგენლები იკრიბებიან. ისინი გამოეხმაურნენ პრეზიდენტის გიორგი მარგველაშვილის მოწოდებას, რომლის თანახმადაც პოლიტიკურ პარტიებს, არასამთავრობო ორგანიზაციებს და დიპლომატიურ კორპუსს კონსულტაციებისკენ მოუწოდა.
საქართველოს პრეზიდენტის ადმინისტრაციაში, ოპოზიციური პარტიების წარმომადგენლების გარდა, მედიის წარმომადგენლებიც იმყოფებიან. პრეზიდენტთან შეხვედრას ელოდებიან ტელეკომპანია “კავკასიის” გენერალური დირექტორი ნინო ჯანგირაშვილი, ჟურნალისტები ინგა გრიგოლია და ეკა მიშველაძე.